RABAB PIAMAN

Amirz Arifin - RABAB PIAMAN (Lagu Indang)

Hei risaulai …
Aia Bangih kapa balayia
Balayia taruih ka Tiagan
Sarek muatan buah palo
Adiak nan manih cubolah pikia
Sudah baiyo baindakkan (ndeh)
Tangguanglah doso salamonyo (sansai)

Hei …, gajai … tangguanglah doso salamonyo (gajai)

Darilah Bunguih ka Batang Kapeh
Taruihlah jalan ka Pasa Kambang
Kaia lah putuih ikan lah lapeh
Ikan lah masuak ka pukek urang

Hei risaulai …
Ujuang Gadiang jambatan gantuang
Kawek tarantang ka subarang
Tukang lah anak Paninggahan
Raso ka putuih hati nan jo jantuang
Didalam tangan diambiak urang (ndeh)
Baitu bana parasaian (sansai)

Hei …, gajai … baitu bana parasaian (sansai)

Jalan babelok ka Aia Manih
Jalan manyusua di tapi pantai
Jago lah lalok hati manangih
Sabana sakik kasiah ndak sampai

Taluak lah Bayua labuhan kapa
Ulando turun yo jo sikoci
Bungo lah layua kabun lah tingga
Kamano kumbang ka hinggok lai


Dilauik nagari Tanah Taban
Kamudiak tibo di Balai Kamih
Kok indak dek pandang pakuburan
Bia dirantau babuah tangih

Alah, yo lak ilah dunsanak oi
Bia dirantau babuah tangih