Bagaluik

ELLY KASIM - Bagaluik

Oi Uda… (apo Elly)
Sahari raso satahun sayang
Ramuak hati manangguang rindu, antah kok denai ka risau surang
Manangih banta jo kulambu, cameh mananti Uda ka pulang

Oi Elly… (hmm Uda)
Usah pancameh bana sayang
Den juluak bulan jo bintang, untuak Elly nan den cinto
Indak adiak ka risau surang, risau hati kito baduo

Antah dek uda, kini ko antah dek ambo
Antah lah dima kasiah jo sayang tasangkuiknyo
Adiak kok tau, dari ma datangnyo cinto
Bakucindan dek bagaluik asa mulonyo

Oi Uda… (apo Elly)
Usah bagaluik juo sayang
Kok nampak dek nan tuo-tuo, tabukak pacokian kito
Bia gaek bialah tuo, inyo kan mudo juo dulunyo – 2x