Jan Cameh

Uda oi, mungkin lapuak denai mananti
Baa ko, janji cinto kito nan lamo
Adiak oi, jo apo janji ka den tabuih
Lamo taniaik diak, namun pitih nan alun ado

Uda oi, ndak den harok ameh jo perak
Hati den, tatuntuang dek budi jo bahaso
Oi adiak oi, jan disabuik budi jo bahaso
Jikok paruik litak diak, nan paralu kan pitih juo

Sakik jo sanang samo diraso
Kok bausaho ka makan juo
Pitih dicari, bak cando jangguik
Abih dicukua ka tumbuah juo

Oi sayang, indak lari gunuang dikaja
Jan cameh, lamo lambek ka sampai juo
Yo nan bedo, mukasuik nak mamaluak gunuang
Gunuang tapaluak diak, kok malatuih apo kadayo