Lintuah

Rang mudo rang mudo nak Pagaruyuang
Tingganyo nan jauah diateh bukik
Batutua kato pantang manyingguang
Tagah dek suratannyo nan paik

Oi gadih oi gadih urang Sungayang
Basonyo katuju nan elok budi
Pandai sirek jo tatiang manatiang
Nan pandai mamikek jantuang hati

Lintuah hati den lintuah lah lintuah – 2x

Oi sanak sudaro saparinduan
Patenggangkan juo oi patenggangkan
Tido karuah nan tak tajaniahkan
Patenggangkan juo, patenggangkan

Lintuah hati den lintuah lah lintuah – 2x

Salapan duo bapilin

Panjang jambatan Lubuak Buayo
Tunggak tarandam di dalam aia
Di siko denai mangko tabedo
Maranuang aruih aia ka ilia
Di siko denai mangko tabedo
Maranuang aruih aia ka ilia

Reff:

Aia nan tanang mahanyuikkan
Hilia nan lapeh ka muaro
Ba hati sanang Tuan bajalan
Jaweklah salam badan ambo
Ba hati sanang Tuan bajalan
Jaweklah salam badan ambo

Hanyo sapatah denai pasankan
Janji kito usah dilupokan
Usah Tuan lah pancameh bana
Urang pancameh mati hanyuik

Tuan kanduang lah balahan diri
Kok karam biduak kito baranang
Samo taguah lah kito bajanji
Nan rumik mati salah surang
Samo taguah lah kito bajanji
Nan rumik mati salah surang

Main Kim

Ka ladang mari lah ka ladang
Ka ladang batanam padi
Lok elok Tuan mamasang
Kok silap salah sandiri

Karanggo samuik nan sirah
Digaduah mangko manggigik
Kok main Tuan jan lengah
Pataba satinggi langik

Haw haw haw, tarompa kabau
Kudakak roda padati
Pek ampek kelok Maninjau
Disitu buah diisi

Diguncang batu diguncang
Diguncang sakali lai
Ti ati Tuan mamasang
Si satu jalan sandiri

Karambia satandan labek
Baminyak tangah kuali
Bapasan jo anak ketek
Si anam nan duo kali

Diguncang batu diguncang
Diguncang si jando mudo
Hei tolong si abang pasang
Pasangkan si tigo duo

Ka ladang mari lah ka ladang
Ka ladang batanam padi
Lok elok Tuan mamasang
Kok silap salah sandiri

Karanggo samuik nan sirah
Digaduah mangko manggigik
Kok main Tuan jan lengah
Pataba satinggi langik

Tatagak tonggak gantuangan
Sabaleh bilangan tangan
Si Nona jo si Noni
Basamo-samo manari

Balayia kapa main kim
Takatuang di lauiktan

Lubuak Buayo

Panjang jambatan Lubuak Buayo
Tunggak tarandam di dalam aia
Di siko denai mangko tabedo
Maranuang aruih aia ka ilia
Di siko denai mangko tabedo
Maranuang aruih aia ka ilia

Reff:

Aia nan tanang mahanyuikkan
Hilia nan lapeh ka muaro
Ba hati sanang Tuan bajalan
Jaweklah salam badan ambo
Ba hati sanang Tuan bajalan
Jaweklah salam badan ambo

Hanyo sapatah denai pasankan
Janji kito usah dilupokan
Usah Tuan lah pancameh bana
Urang pancameh mati hanyuik

Tuan kanduang lah balahan diri
Kok karam biduak kito baranang
Samo taguah lah kito bajanji
Nan rumik mati salah surang
Samo taguah lah kito bajanji
Nan rumik mati salah surang

Lompong Sagu

Lompong sagu, lompong sagu bagulo lawang – 2x
Di tangah-tangah, di tangah-tangah karambia mudo – 2x
Sadang katuju, sadang katuju diambiak urang – 2x
Awak juo, awak juo malapeh hao – 2x

Lompong sagu (o sagu) lompong sagu
Lompong sagu (o sagu) bagulo lawang

Lompong sagu, lompong sagu bagulo saka – 2x
Elok dimakan, elok di makan lah jo tangan – 2x
Sadang katuju, sadang katuju kawan manyemba – 2x
Awak juo, awak juo mamangku tangan – 2x

Lompong sagu (o sagu) lompong sagu
Lompong sagu (o sagu) bagulo lawang

Lompong sagu (o sagu) lompong sagu
Lompong sagu (o sagu) bagulo lawang

Lompong sagu, lompong sagu bagulo lawang – 2x
Di tangah-tangah, di tangah-tangah karambia mudo – 2x
Sadang katuju, sadang katuju diambiak urang – 2x
Awak juo, awak juo malapeh hao – 2x

Lompong sagu (o sagu) lompong sagu
Lompong sagu (o sagu) bagulo lawang

Lansek Manih

Nak urang Tanjuang Barulak, barulak barulai pulo
Nak urang Tanjuang Barulak, barulak barulai pulo
Den etong sado nan masak, nan busuak tingga di ambo
Den etong lansek nan masak, nan busuak tingga di ambo

Iko tukuak, iko tambah, paragiahnyo perai sajo
Iko tukuak, iko tambah, paragiahnyo perai sajo

Lah satu satu lah duo, di tigo di Guguak Dulang
Lah satu satu lah duo, di tigo di Guguak Dulang
Ko lansek buliah dicubo, kok masam babaliak pulang
Ko lansek buliah dicubo, kok masam babaliak pulang

Iko tukuak, iko tambah, paragiahnyo perai sajo
Iko tukuak, iko tambah, paragiahnyo perai sajo

Nan ampek dibalah ampek, nan limo bilangan jari
Nan ampek dibalah ampek, nan limo bilangan jari
Ko bukan sumbarang lansek, Sijunjuang lanseknyo manih
Ko bukan sumbarang lansek, Sijunjuang lanseknyo manih

Iko tukuak, iko tambah, paragiahnyo perai sajo
Iko tukuak, iko tambah, paragiahnyo perai sajo

Langkisau

Ndeh, oh Langkisau lah bukik Painan
Batampek mandi Pincuran Madam
Elok karantau kito bajalan
Kok lai tabangkik batang tarandam

Langkisau bukik Langkisau
Tanang aia di talao
Tangiang kampuang maimbau
Taganang si aia mato

Ndeh, oh badabua lah ombak maampeh
Batu kureta mamanciang ikan
Jikok lai mujua bundo malapeh
Bak ayam pulang ka pauiktan

Ndeh, balah-balah lah si batang kapeh
Aden ambiak lah ka kayu api
Rilah-rilah lah bundo malapeh
Untuang salamaik pulang jo pai

Langkisau … Langkisau … Langkisau …

Lampu Togok

Rang dikampuang basanang hati
Rumah jo jalan lah tarang di malam hari
Siang malam manonton tivi
Bamacam mode lah ditiru satiok hari

Bara kasanang hati cik ayang
Sajak balistrik ayamnyo ndak panah hilang
Sabalun listrik balampu togok
Satiok pagi hiduang one lah bacilomok

Di nan tarang sumangaik nyalo
Lah banyak tumbuah industri di rumah tanggo
Ingek malah sanak sudaro
Ulah sinetron sumbayang jan lah lupo

Sabalun listrik balampu minyak
Pukua salapan incek mato lah manyintak
Antah dek itu antah kok tidak
Si upiak banun tiok tahun nyo baranak

Lamang Tapai

Eee lamang tapai

Lamang lamak jo kameknyo
Tapai manih jo kuahnyo
Bujang jo gadih bak cando
Lamang jo tapai

Bajalan jo langkah gontai
Tasanduang batu cilako
Taserak lamang jo tapai
Oi malang juo

Eee lamang tapai – 2x

Lamang bak kato lamang
Tapai tingga jo kuahnyo
Indak saelok salamak
Lamang jo tapai

Eee lamang tapai

Bujang bak kato bujang
Gadih tingga jo untuangnyo
Sapantun bak cando lamang
Indak batapai

Eee lamang tapai -3x

Kusia Bendi

Bapacu si kudo balang
Manduo kancang larinyo
Ditumpang bendi ka pulang
Naiaklah usah diago

Lah naiak rang mudo-mudo
Lah galak si kusia bendi
Nyo caliak jo suduik mato
Ondeh mak Allahu Rabbi

Inyolah bak kato inyo
Adenlah bak jo den pulo
Inyolah bak kato inyo
Adenlah bak jo den pulo

Dilacuik si kudo balang
Mandaham si kusia bendi
Tacangang si kusia kini
Mancaliak si anak gadih

Den tagah indak tatagah
Den lapeh juo nan jadi
Ko garah indak bagarah
Sabana bana tajadi

Inyolah bak kato inyo
Adenlah bak jo den pulo
Inyolah bak kato inyo
Adenlah bak jo den pulo

Kusia Bendi

Bapacu si kudo balang
Manduo kancang larinyo
Ditumpang bendi ka pulang
Naiaklah usah diago

Lah naiak rang mudo-mudo
Lah galak si kusia bendi
Nyo caliak jo suduik mato
Ondeh mak Allahu Rabbi

Inyolah bak kato inyo
Adenlah bak jo den pulo
Inyolah bak kato inyo
Adenlah bak jo den pulo

Dilacuik si kudo balang
Mandaham si kusia bendi
Tacangang si kusia kini
Mancaliak si anak gadih

Den tagah indak tatagah
Den lapeh juo nan jadi
Ko garah indak bagarah
Sabana bana tajadi

Inyolah bak kato inyo
Adenlah bak jo den pulo
Inyolah bak kato inyo
Adenlah bak jo den pulo

Kureta Solok

Babunyi kureta Solok
Manyauik kureta Padang
Nan pai hati tak elok
Urang nan tingga darah tak sanang

Badaram badatak datak
Malapoh bunyi masinnyo
Kok isuak tuan taragak
Pandanglah langik dihari sanjo

Hilang dibaliak bukik
Asok mambubuang tinggi

Kureta ba batu baro
Taksiun tampek baranti
Bapisah mauji cinto
Cinto dibaok urang nan pai

Hilang dibaliak bukik
Asok mambubuang tinggi

Kumbang Batali

Bia di langik kumbang babega
Bungo di kabun nan manggilo
Sayang pabilo ka hinggoknyo

Reff:

Sungguah bapacak bungo sabatang
Indak den cameh dilamun harok
Namuah den sonsong tuan tabang

Sayang bungo ndak basayok

Kini den tau kumbang batali
Tali pangikek tando cinto
Ujuang dipacik dek rang punyo

Kudo Kinali

Kudo Kinali, kudo Kinali
Tunggangan tuan
Ondeh ondeh marantak kudo
Ondeh ondeh ka Payokumbuah

Oi dangakan malah, dangakan malah
Kami banyanyi
Ondeh ondeh nyanyi parintang
Ondeh ondeh hati nan rusuah

Lah manduo si kudo balang
Si kalopak kancang larinyo
Gagah rantak Kinali
Kudo Kinali …

Hati rusuah baok badendang
Bakucapak bunyi gandangnyo
Danga lagu Kinali
Kudo Kinali …

[kembali ke atas]

Katupek Gulai Paku

Katupek jo gulai paku -2x
Ba asam kandih jo buah palo
Piliah dek sanak yo nan katuju -2x
Lapek bugih banyak santannyo

Reff:

Nasi tuai jo katan itam
Kue sarabi lamang baluo
Nasi tuai jo katan itam
Kue sarabi lamang baluo

Usahlah cameh raso ndak sampai
Tambuah sapiriang kanyang baduo
Usahlah cameh raso ndak sampai
Tambuah sapiriang kanyang baduo

Onen urang dari Piaman -2x
Pai marantau ka tanah Jao
Jikok taragak jo kampuang halaman – 2x
Makan katupek lapeh salero

Kok Tau

Kok tau …, di Payokumbuah …
Balilah batiah nan jo galamai
Uda kok tau di hati rusuah
Sadang bakasiah kini badan bacarai

Jikok Uda pai ka sawah
Carikan padi makanan balam
Antah di Uda kasiah lah sudah
Tapi di denai sadang mandalam
Antah di Uda kasiah lah sudah
Tapi di denai sadang mandalam

Anak urang …, rang Tangah Sawah …
Situ rumahnyo rang Kampuang Kurai
Ka Uda surang kasiah tacurah
Indak den lupo bia badan bacarai

Jikok Uda pai ka sawah
Carikan padi makanan balam
Antah di Uda kasiah lah sudah
Tapi di denai sadang mandalam
Antah di Uda kasiah lah sudah
Tapi di denai sadang mandalam

Kelok Sambilan

Mandaki jalan ka Payokumbuah
Baranti tantang Kelok Sambilan
Ondeh baranti tantang Kelok Sambilan

Dimalah badan indak ka rusuah
Sadang basayang Tuan bajalan
Ondeh sadang basayang Tuan bajalan

Ondeh baa lah ko kaba
Baa lah ko kaba, kini rang mudo yo
Ondeh baa lah ko kaba
Baa lah ko kaba, kini rang mudo yo

Indak lah guno batanam bawang
Bawang ditanam hari lah sanjo
Ondeh bawang ditanam hari lah sanjo

Indak lah guno bakasiah sayang
Sansaro badan kasudahannyo
Ondeh sansaro badan kasudahannyo

Ondeh baa lah ko kaba
Baa lah ko kaba, kini rang mudo yo
Ondeh baa lah ko kaba
Baa lah ko kaba, kini rang mudo yo

Kelok 44

Maluncua denai nak lakeh
Ndeh Mandeh tolong doakan
Nan kok mujua bundo malapeh
Bak ayam pulang ka pauiktan

Reff:

Di kelok ampek puluah ampek
Denai bamulo barangkek
Tinggalah kampuang sanak sudaro
Denai barangkek ka tanah Jao

Tinggalah kelok ampek puluah ampek
Tinggalah kelok ampek puluah ampek

Di Taluak Bayua den tamanuang
Den lapeh pandang bakuliliang
Tabayang rantau nan ka den hadang
Dima ko badan beko manompang
Jatuah badarai aia mato

Tinggalah kelok ampek puluah ampek
Tinggalah kelok ampek puluah ampek

Kasiah Tak Sampai

Malang bacinto bintang jo bulan
Kasiah digungguang dek matoari
Bia bacarai nyao jo badan
Putuihlah tali jantuang jo hati
Cinto ka uda den baok mati

Ka dalam tanah maik bakubua
Datang malaikaik yo nan batanyo
Apo kadayo yo nan takana
Kasiah ka uda nan indak sampai
Yo nan takana, kasiah ndak sampai

Cinto den indak ado duonyo
Cinto den hanyo ka uda surang

Bia mangamuak topan jo badai
Cinto den indak ado duonyo
Bia di dunia kasiah ndak sampai
Yo di akhiraik den nanti juo
Uda den nanti dalam sarugo
Cinto den indak ado duonyo

Kapeh Jadi Banang

Kok kapeh manjadi banang
Kok kapeh manjadi banang
Banang ditanun manjadi kain
Ndeh… ditanun banang manjadi kain
Kok lapeh kasiah jo sayang
Sayang barubah jadi rang lain
Ndeh… yo uda sayang jadi rang lain

Bialah putuih jo banang
Kini diguntiang, kini dijaik manjadi baju
Bialah putuihnyo sayang
Anggap dunsanak malah dahulu

Ibaraik bak cando kain
Ala baguntiang alun bajaik
Ondeh… baka lai sia nan ka manyudahkan

Kok lapeh kasiah jo sayang
Sayang barubah jadi rang lain
Onde… yo uda sayang jadi rang lain

Ondeh… (heh heh heh)
Kok dapek pinta jo pinto (ho ho ho)
Kok datang datang juo lah uda kamari

Kapan Kamai

Kapan sih Ajo datang kamai

Ondeh ondeh Ajo den kapan sih kamai
Hari jamaik dong lah den nanti di labuhan kapa

Lah simpang siur aden
Becak ingkin kamai
Namun wa e juo indak kalietan

Lah putiah mato dek mancari
Yang mano sih Ajo ini
Tapi puncak iduang wa e indak nampak juo

Reff:

Kapan sih Ajo datang kamai

Ajo nyo sih jangan dong mangicuah
Supayo ambo indak panek
Bulak baliak ingkin kamai
Ondeh ajo baa lagu e

Kanai Sijundai

Pincuran Gadiang sati lubuaknyo
Lurah dihuni urang bunian
Gunuang Singgalang ba ula nago
Jurangnyo dalam rimbo larangan

Tasabuik setan si bujang hitam
Suruhan jihin si rajo hawa
Denai nyo sentak di tangah malam
Japuik ndak dapek tunggu sabanta

Ulah tangkurak namonyo gasiang …
Datang panyakik namo sijundai …

Ulah taraso kapalo paniang
Tadanga urang maimbau denai
Raso di lurah Pincuran Gadiang
Dibaok angin nyo sayuik sampai

Asok kumayan nan lah mambubuang
Sinan nyo baka si jantuang pisang
Sairiang salak anjiang maluluang
Mangkuih ilimu si tujuah rajang

Raso ka putuih hati jo jantuang
Nyao di badan raso ka tabang
Tujuah lapisan langik den jujuang
Bumi den pijak raso tapanggang

Ulah tangkurak namonyo gasiang …
Datang panyakik namo sijundai …

Tabang marayok mamanjek dindiang
Kini malata di ateh lantai
Runtuah lah iman hati bapaliang
Kasiah nan indak dapek dilarai

Ulah tangkurak namonyo gasiang …

Kamiri

Oh tuan, pitih den, kama kini den cari
Aden diagiah mamak den untuak bali kamiri
Kamiri baako, baa kaka den beko
Pitih wak sayo lah hilang, katiko den kapasa

Den cari-cari bakuliliang tapi indak basuo
Den tanyokan ka mamak den
Kok lai mandapeknyo

Tolonglah ambo ko mancari pitih mamak
Kalau Tuan mandapeknyo, gadang lah hati den

Oi sabenggo (indak indak)
Oi limo sen (indak indak)
Oi sapiah (indak indak)
Oi baratu kasadonyo?

Yo sasuku kasadonyo …

Kacang Goreang

Kacang goreang kacang barandang
Harum badariak si kacang goreang
Kacang goreang si Udo Jaenal
Indak dibali takana-kana

Jikok hari bakao patang
Kami bajojo si kacang goreang
Mancari makan pagi jo patang
Itu lah sanak kami kurehkan

[kembali ke atas]

Ka Uda Surang

Hari nan galok, Uda den tabayang-bayang
Kini lah jauah yo dari mato
Yo sansai badan den

Ka Uda surang kasiah nan denai curahkan
Usah dicubo nak mamutuihnyo
Yo sansai bacarai

Reff:

Ijan dicubo (ndeh mandeh) marangguik kasiah jo sayang
Alah ka sansai badan den surang
Hati den ditinggakan

Ijan dicubo (ndeh mandeh) marangguik kasiah jo sayang
Alah ka sansai badan den surang
Hati den ditinggakan

Ka Iyo Tenyeh

Batang Masang nak umak tigo sajurai – 2x
Sajurai tunggang tampak dek wak muaronyo – 2x
Kasiah sayang nak umak jolong bamulai -2x
Kini lah baru tampak dek wak sansaronyo – 2x

Ka iyo tenyeh, ka iyo tenyeh

Hilia bakayuah nak umak yo ka Tiagan – 2x
Ka suok biduak nak umak ka Mandiangin – 2x
Di rantau badan di arok yo parasaian – 2x
Siang bapaneh kok malam badan barangin – 2x

Ka iyo tenyeh, ka iyo tenyeh