Lampu Togok

Rang dikampuang basanang hati
Rumah jo jalan lah tarang di malam hari
Siang malam manonton tivi
Bamacam mode lah ditiru satiok hari

Bara kasanang hati cik ayang
Sajak balistrik ayamnyo ndak panah hilang
Sabalun listrik balampu togok
Satiok pagi hiduang one lah bacilomok

Di nan tarang sumangaik nyalo
Lah banyak tumbuah industri di rumah tanggo
Ingek malah sanak sudaro
Ulah sinetron sumbayang jan lah lupo

Sabalun listrik balampu minyak
Pukua salapan incek mato lah manyintak
Antah dek itu antah kok tidak
Si upiak banun tiok tahun nyo baranak