Naraco Cinto

Tacurah si aia mato
Batambah dalam luko di hati
Rintang di bujua tangan
Indak bakasudahan
Seso ndak kunjuang lapeh di badan

Talampau harok jo janji
Yakin bana ndak bapaliang lai
Kini uda lukoi indak uda paduli
Mambaku dandam cinto di hati

Cukuik rasonyo denai ko sayang….
Lahia jo batin denai sarahkan
Cinto den hanyo ka uda surang…
Manga lah uda balanteh angan

Mungkin cinto den suci bia den baok mati
Indak taniak mancari ganti
Ambiak naraco cinto timbang barek ringannyo
Tantukan kasiah yo da,kama cando nyo