PIAMAN LAWEH

Tiar Ramon – PIAMAN LAWEH

Piaman Laweh nan kanduang urang batabuik
Satiok bulan Muharram nan diadokan
Urang nan datang mancaliak bak cando samuik
Gadang ketek tuo mudo ndak katinggalan

Adaik manurun sarak mandaki di Minang
Baitu bana sajarah nan mangatokan
Asa mulonyo agamo Islam bakambang
Syekh Burhanudin dulunyo nan manyebarkan

Jikok kito manyabuik tantang kamajuan
Satiok tahun pambangunan makin nyato
Batambah banyak oi tajadi parubahan
Kini Piaman lah ado walikotanyo

Kok hujan ameh oi kanduang dirantau urang
Kok hujan batu oi kanduang dikampuang kito
Eloklah kito yo samo tupang manupang
Baitu bana pituah urang nan tuo