RAGAM DUYA

Tiar Ramon – RAGAM DUYA

Indak talabiah yo takurang (ndeh sanak ei)
Lai sasuai jo papatah (yo kanduang ei)
Kalau sakali aia gadang (yo mamak ei)
Nan sakali tapian pindah

Parubahan alam ditaasia (yo sanak ei)
Ado baiak ado nan salah (yo kanduang ei)
Ado cancang manjadi ukia (yo mamak ei)
Ado ratak mambao pacah

Sansailah badan ei ei ei, dek ragam duya -2x

Lamo hiduik banyak dirasai (yo sanak ei)
Jauah jalan banyak basuo (ndeh kanduang ei)
Dahulu adaik nan bapakai (ndeh mamak ei)
Kini ko pitih nan paguno

Dulu basingguang mangko kanai (ndeh sanak ei)
Ateh kudo lakek palano (ndeh kanduang ei)
Kini anau mangaja sigai (yo mamak ei)
Nan dek pitih talampok sajo

Sansailah badan ei ei ei, dek ragam duya -2x

Barapo banyak nan tasuo (ndeh sanak ei)
Dahulu bajak pado jawi (ndeh kanduang ei)
Tuga tahantak pagi cako (ndeh mamak ei)
Jaguang babungo kalam hari

Ameh buliah pandaki gunuang (ndeh sanak ei)
Nan dek padi sagalo jadi (ndeh kanduang ei)
Malang tibo ditanah lakuang (yo mamak ei)
Nan dek aia indak tatimbun

Sansailah badan ei ei ei, dek ragam duya -2x